Jahonning eng qimmat himoyachisi "Arsenal"da

 3 APREL, 2026, 18:54

Transfermarkt portali bahorgi narx yangilanishlari yakunlariga ko'ra, dunyoning eng qimmat himoyachilari reytingi bilan bo'lishdi.

Ro'yxatda peshqadamlik «Arsenal»ning markaziy himoyachisi Vilyam Salibaga tegishli. 25 yoshli frantsuz portal tomonidan 90 million evroga baholanmoqda. Ikkinchi o'rinni bir yo'la ikki futbolchi — «Barselona»dan Pau Kubarsi (80 mln) va «PSJ» a'zosi Ashraf Hakimiy (80 mln) bo'lishib turibdi.

To'rtinchi pog'onani «PSJ»ning yana bir vakili — Nunu Mendesh (75 mln evro) egalladi. Beshinchi o'rin ham xuddi shunday bozor qiymati bilan «Arsenal»ning braziliyalik himoyachisi Gabriel dos Santosga nasib etdi.