"Monako" futbolchisi uchun 70 million evro talab qilmoqda

 3 APREL, 2026, 17:30

«Chelsi» klubi «Monako»ning senegallik yarim himoyachisi Lamin Kamara xizmatlariga qiziqish bildirmoqda.

Shuningdek, futbolchiga «Liverpul» va «Nyukasl» klublari ham da'vogarlik qilmoqda. Monegasklar Kamara uchun yuqori narx belgilashdi — «Monako» o'z futbolchisi uchun kamida 70 million evro olmoqchi. Yarim himoyachining amaldagi mehnat shartnomasi 2029 yilning yoziga qadar mo'ljallangan.

Qayd etilishicha, Lamin Kamara APLga o'tishga ijobiy qaramoqda. Biroq «Chelsi» yarim himoyachini «Liverpul» yoki «Nyukasl»ga emas, aynan o'z safiga qo'shilishga ko'ndirishi kerak bo'ladi.