Gabriel Jezus «Arsenal»ning yosh yulduzi Maks Doumanning mahoratiga yuqori baho berdi

 3 APREL, 2026, 13:36

Londonning «Arsenal» klubi hujumchisi Gabriel Jezus jamoadoshi Maks Douman haqida o'z fikrlarini bildirdi.

Yosh vinger «kanonirlar» safida 15 yoshida debyut qilgan bo'lsa, 16 yoshida Premer-liga tarixidagi eng yosh gol muallifiga aylandi.

«Men 15 yoshimda ko'chada futbol o'ynardim, Maks bo'lsa allaqachon Chempionlar ligasi va APLda maydonga tushmoqda. Bu shunchaki aql bovar qilmas holat. U gol urgan o'yindan so'ng men undan: "Maktabda ishlaring qalay?" deb so'radim. Braziliyada bunday voqeadan keyin maktabga borishning iloji bo'lmasdi. U shubhasiz juda iqtidorli», — deya ingliz OAVlari Jezusning so'zlarini keltirmoqda.

Tez orada Maks Douman Angliya chempioniga ham aylanishi mumkin — hozirda «Arsenal» turnir jadvalida peshqadamlik qilmoqda va «Manchester Siti»dan to'qqiz ochko oldinda bormoqda.