«Manchester Siti» Gvardiolaning kelajagi borasidagi qarorni murabbiyning o'ziga qoldirdi

 3 APREL, 2026, 13:18

«Manchester Siti» rahbariyati jamoa bosh murabbiyi Xosep Gvardiolaga o'z kelajagi borasida bir qarorga kelish imkoniyatini to'liq o'z ixtiyoriga qoldiradi. Bu haqda nufuzli insayder Fabritsio Romano xabar bermoqda.

Manbaning ta'kidlashicha, Gvardiolaning o'rnini egallashga asosiy nomzod sifatida hamon Londonning «Chelsi» klubi sobiq ustozi Entso Mareska ko'rilmoqda. «Manchester Siti» mutasaddilari «Bavariya» boshqaruvida turgan Vensan Kompanini taklif qilish haqidagi mish-mishlarga qaramay, Mareskaning imkoniyatlarini yuqori baholashmoqda.

Gvardiola 2016 yildan buyon «Manchester Siti»ni boshqarib kelmoqda. Premer-liganing joriy mavsumida «shaharliklar» 30-turdan so'ng turnir jadvalida ikkinchi o'rinda borishmoqda. Klub hisobida 61 ochko mavjud bo'lib, peshqadam «Arsenal» bilan farq to'qqiz ochkoni tashkil etmoqda.