«Siti» Gvardiola o'rniga uchta asosiy nomzoddan birini tanlaydi

 3 APREL, 2026, 11:42

Ispaniyalik mutaxassis Xosep Gvardiola 2025/2026 yilgi mavsum yakunida «Manchester Siti»ni tark etishi mumkin.

The Telegraph jurnalistlarining xabar berishicha, «shaharliklar» rahbariyati jamoa uchun yangi ustoz qidirishni boshlab yuborgan. Ingliz top-klubi bosh murabbiyligiga nomzodlar ro'yxatidan quyidagi mutaxassislar joy olgan: Xabi Alonso, Entso Mareska va Vensan Kompani.

Eslatib o'tamiz, Gvardiola 2016 yilning yozidan buyon «Manchester Siti» bosh murabbiyi lavozimida ishlab kelmoqda. Tomonlar o'rtasidagi amaldagi mehnat shartnomasi 2027 yilning iyun oyi oxirida nihoyasiga etadi.

Ispaniyalik mutaxassis qo'l ostida «shaharliklar» olti bor Angliya Premer-ligasi chempionligini qo'lga kiritgan.