Romano "Barselona" sotishi mumkin bo'lgan futbolchini aytdi

 3 APREL, 2026, 09:00

Insayder Fabritsio Romano «Barselona»ning rejalari haqidagi ma'lumotlar bilan bo'lishdi. Romanoning so'zlariga ko'ra, Kataloniya klubi agar yaxshi taklif tushsa, yozda hujumchi Ferran Torresni sotishga tayyor. «Ko'k-anorranglilar» ushbu futbolchi bo'yicha muzokaralar uchun ochiq bo'lishadi.

Ferran Torresning «Barselona» bilan amaldagi shartnomasi 2026/2027 yilgi mavsum yakuniga qadar mo'ljallangan. Transfermarkt portali 26 yoshli futbolchini 50 million evroga baholamoqda.

Joriy mavsumda Torres «Barselona» safida 40 ta o'yinda ishtirok etdi. Ushbu bahslarda forvard o'z hisobiga 16 ta gol va bitta golli uzatmani yozdirib qo'ydi.