Olmo "Manchester Siti" qiziqishlari doirasiga tushib qoldi

 2 APREL, 2026, 16:54

«Barselona» yarim himoyachisi Dani Olmo faoliyatini Angliya Premer-ligasida davom ettirishi mumkin.

Jurnalist Ekrem Konurning ma'lumotlariga ko'ra, ispaniyalik futbolchi bilan shartnoma imzolashga «Manchester Siti» qiziqish bildirmoqda. «Shaharliklar» shu yozda futbolchining transferini amalga oshirish variantini ko'rib chiqishmoqda.

Dani Olmo 2024 yilda «RB Leyptsig»dan 55 million evro evaziga «Barselona»ga o'tgan edi. Uning Kataloniya klubi bilan shartnomasi 2030 yilning 30 iyuniga qadar mo'ljallangan. Joriy mavsumda yarim himoyachi «ko'k-anorranglilar» safida barcha turnirlarda 38 ta o'yinda maydonga tushib, sakkizta gol urdi va ettita golli uzatmani amalga oshirdi. Transfermarkt portali Olmoning qiymatini 60 million evroga baholamoqda.