Iroq terma jamoasi o'z tarixida ikkinchi marta jahon chempionatida ishtirok etadi

 1 APREL, 2026, 16:24

Iroq terma jamoasi Boliviyani mag'lubiyatga uchratib, jahon chempionatining so'nggi ishtirokchisiga aylandi. Bu Iroq o'z tarixida ikkinchi bor jahon birinchiligida ishtirok etishini anglatadi.

Iroqliklar ilk bor Saddam Husayn rejimi gullagan davrda, ya'ni 1986 yilda mundial yo'llanmasini qo'lga kiritishgan edi. O'shanda ham turnir Meksikada (faqat u paytda musobaqa faqat Meksikaning o'zida) bo'lib o'tgan. O'sha turnirda iroqliklar mezbonlar, shuningdek, Paragvay va Belgiya terma jamoalari bilan bir guruhdan joy olgan hamda barcha uchta o'yinda imkoniyatni boy bergan edilar. Biroq o'shanda ular belgiyaliklar darvozasiga bitta gol urishga muvaffaq bo'lishgan.

Eslatib o'tamiz, navbatdagi jahon chempionati 11 iyun kuni boshlanadi.