Frantsiya futbol federatsiyasi rahbari terma jamoa murabbiyi haqidagi savolga: "Bu mavzuda boshqa gapirmayman"

 1 APREL, 2026, 14:54

Frantsiya futbol federatsiyasi (FFF) rahbari Filipp Diallo milliy terma jamoaning bo'lajak murabbiyi haqidagi savolga javob berishdan bosh tortdi.

Avvalroq FFF rahbari JCh-2026 dan keyin o'z lavozimini tark etadigan Dide Deshamning o'rnini kim egallashini bilishini aytgan edi. Xabarlarga ko'ra, federatsiya Zinedin Zidan bilan og'zaki kelishuvga erishgan.

"Bosh murabbiy mavzusida boshqa fikr bildirmayman. Men allaqachon hamma gapni aytdim, muddatni belgiladim va nomzodning profilini taxminan tasvirlab berdim. Endi bu masalani qayta muhokama qilish uchun Jahon chempionati tugashini kutish kerak", — deya Dialloning so'zlarini keltiradi RMC Sport.

2026 yilgi Jahon chempionatida Frantsiya terma jamoasi Senegal, Norvegiya va keyinroq aniqlanadigan yana bir jamoa bilan bir guruhdan joy olgan.