Skaloni Messining 1000 ta gol urishiga ishonmoqda

 1 APREL, 2026, 13:42

Argentina terma jamoasi bosh murabbiyi Lionel Skaloni Lionel Messining sermahsulligi haqida o'z fikrlarini bildirdi.

«Inter Mayami»ning 38 yoshli futbolchisi Zambiyaga qarshi kechgan o'rtoqlik uchrashuvida argentinaliklarning yirik g'alabasiga hissa qo'shdi va 43-daqiqada raqib darvozasini ishg'ol qildi. Bu hujumchi faoliyatidagi 902-gol bo'ldi.

«O'ylaymanki, agar Messi o'ynashda davom etsa, 1000 ta gol uradi. Umid qilamanki, u jamoada qoladi, chunki u o'zini maydonda juda qulay his qilmoqda. Barchamiz uni shu erda ko'rishni istaymiz», — deya Skalonining so'zlarini keltirmoqda The Touchline.

Lionel Messi bo'lajak jahon chempionatiga borish-bormasligi borasida hali bir qarorga kelmagan. Forvardning «Inter Mayami» bilan amaldagi shartnomasi 2028 yilning oxirigacha mo'ljallangan.