Robert Levandovski APL grandi safiga yo'l olishi mumkin

 1 APREL, 2026, 09:18

«Barselona» hujumchisi Robert Levandovski faoliyatini Angliya Premer-ligasida davom ettirishi mumkin.

Sportboom nashri bergan ma'lumotlarga ko'ra, polshalik futbolchining transferiga «Manchester Yunayted» qiziqish bildirmoqda. «Qizil iblislar» hujumchiga bir yillik shartnoma taklif qilishga tayyor. Hozircha hujumchining ushbu taklifga rozi bo'lish-bo'lmasligi noma'lum.

Robert Levandovski 2022 yilda Myunxenning «Bavariya» klubidan «Barselona»ga 45 million evro evaziga o'tgan edi. Uning «ko'k-anorranglilar» bilan amaldagi shartnomasi 2026 yilning 30 iyuniga qadar mo'ljallangan. Joriy mavsumda hujumchi kataloniyaliklar safida barcha turnirlarda 37 ta o'yinda maydonga tushib, 16 ta gol urdi va 3 ta golli uzatmani amalga oshirdi.