Musiala "Barselona"ga o'tishni orzu qilmoqda

 31 MART, 2026, 21:48

"Bavariya" yarim himoyachisi Jamal Musiala kelajakda faoliyatini Ispaniyada davom ettirishi mumkin. TEAMtalk nashrining xabariga ko'ra, germaniyalik futbolchining uzoq muddatli orzusi — "Barselona" safida to'p surishdir.

Agar "ko'k-anorranglilar" unga taklif bilan chiqishsa, xavbek Kataloniya klubiga o'tishga rozi bo'lardi.

Jamal Musiala 2019 yilda "Chelsi"dan "Bavariya"ga bor-yo'g'i 200 ming evro evaziga o'tgan edi. Uning amaldagi shartnomasi 2030 yilning 30 iyuniga qadar mo'ljallangan.

Joriy mavsumda yarim himoyachi Myunxen klubi safida barcha musobaqalarda 11 ta o'yin o'tkazib, 3 ta gol urdi va 2 ta golli uzatmani amalga oshirdi. Futbolchi jarohati sababli joriy mavsumning katta qismini o'tkazib yubordi.