Rossiya va Mali terma jamoalari o'rtasidagi o'yinni o'zbekistonlik hakamlar boshqaradi

 31 MART, 2026, 20:18

Rossiya va Mali terma jamoalari o'rtasidagi o'rtoqlik uchrashuvida Rustam Lutfullin boshchiligidagi o'zbekistonlik hakamlar brigadasi ishlaydi.

Uchrashuv 31 mart kuni Sankt-Peterburg shahridagi “Gazprom Arena” stadionida bo'lib o'tadi. Bahs Toshkent vaqti bilan soat 22:00 da boshlanishi rejalashtirilgan. Rustam Lutfullinga qanotlarda Sanjar Shoyusupov va Akmal G'iyosov ko'maklashadi. Zaxira hakami — rossiyalik Aleksey Suxoy.

Ma'lumot uchun, 34 yoshli Lutfullin O'zbekiston chempionati va kubogi o'yinlaridan tashqari, xalqaro maydonda ham faoliyat yuritadi. U 2025-yilda 17 yoshgacha bo'lgan futbolchilar o'rtasidagi Jahon chempionati guruh bosqichida 3 ta o'yinni boshqargan. Shuningdek, 2024-yilda JCh saralash bosqichining 4 ta bahsida ishlagan.

E'tiborlisi, Valeriy Karpin boshchiligidagi Rossiya terma jamoasining mart oyidagi birinchi uchrashuvini (Nikaraguaga qarshi, 3:1) ham o'zbekistonlik hakamlar — Abdurashid Xudoyberganov boshchiligidagi brigada boshqargan edi.