Bosniya bilan o'yin Gattuzoning taqdirini hal qiladi

 31 MART, 2026, 13:48

Yaqin kelajakda Jennaro Gattuzo Italiya terma jamoasi bosh murabbiyi lavozimidan ozod etilishi mumkin. The Touchline nashrining xabar berishicha, agar «skuadra adzurra» Jahon chempionati yo'llanmasini qo'lga kirita olmasa, Gattuzo katta ehtimol bilan o'z ishini yo'qotadi.

Seshanba oqshomida Italiya terma jamoasi JCh-2026 saralashining pley-off bosqichi finalida Bosniya va Gertsegovinaga qarshi maydonga tushadi. Italiya futbol federatsiyasi mag'lubiyat yuz bergan taqdirda Gattuzo uchun hech qanday bahona bo'lishi mumkin emas, deb hisoblamoqda.

Bosniya va Gertsegovina — Italiya uchrashuvi bugun, 31 mart kuni Toshkent vaqti bilan tungi soat 23:45 da start oladi.