SHahzod Muzaffarov Osiyo chempionatining chorak finaliga yo'l oldi

 31 MART, 2026, 11:48

Ulan-Bator shahrida boks bo'yicha kattalar o'rtasidagi Osiyo chempionati davom etyapti.

Musobaqaning ikkinchi kunida O'zbekiston terma jamoasidan faqatgina bir nafar bokschi — SHahzod Muzaffarov ringga ko'tarildi.

Iordaniya vakili Mahdi Almashalehga qarshi bahsda hamyurtimiz ortiqcha qiyinchiliksiz 5:0 hisobida zafar quchdi.

Endi Muzaffarov chorak final bosqichida qozog'istonlik ikki karra Jahon chempioni Maxmud Sabirxan bilan to'qnash keladi.

Manba: olamsport.com