APL muxlislari VAR tizimiga qarshi chiqdi

 31 MART, 2026, 09:00

Angliya Premer-ligasi (APL) klublari ishqibozlarining to'rtdan uch qismi VAR (VAR) tizimidan foydalanishga qarshi chiqishdi. Angliya futbol muxlislari assotsiatsiyasi tomonidan o'tkazilgan so'rovnoma natijalari shuni ko'rsatmoqda.

Ushbu so'rovnomada qariyb 8000 nafar muxlis ishtirok etdi. Ularning yarmidan ko'pi joriy mavsumda o'z jamoalarining kamida 15 ta uy uchrashuviga tashrif buyurgan ashaddiy ishqibozlardir.

Respondentlarning 97 foizi «VAR futbol tomosha qilishni yanada yoqimli qiladi» degan fikrga qarshi chiqishdi. 90 foizdan ortig'i esa ushbu tizimning ishlashi stadionga tashrif buyurishdan olinadigan taassurotlarni yaxshilaganiga qo'shilishmadi.

«Futbolda VAR tizimidan foydalanishni qo'llab-quvvatlaysizmi?» degan savolga ishtirokchilarning 75,71 foizi «yo'q» deb javob berdi. Shu bilan birga, 70 foizdan ko'proq muxlis ushbu tizim hakamlik qarorlarining umumiy aniqligini oshirganiga ishonmaydi.