«Kristal Pelas» himoyachisiga grandlar qiziqish bildirmoqda

 30 MART, 2026, 13:36

«Kristal Pelas» markaziy himoyachisi Maksans Lakrua yozgi transfer oynasida jamoasini o'zgartirishi mumkin.

TEAMtalk nashrining xabar berishicha, yaqinda Braziliyaga qarshi o'yinda (2:1) Frantsiya milliy terma jamoasi safida debyut qilgan 25 yoshli frantsuz futbolchisiga «Aston Villa», «Bavariya», «Chelsi» va «Liverpul» klublari qiziqish bildirmoqda.

Joriy mavsumda Lakrua barcha turnirlarni hisobga olgan holda 43 ta o'yinda maydonga tushdi, o'z hisobiga uchta gol va ikkita golli uzatmani yozdirib qo'ydi.

Lakruaning «Kristal Pelas» bilan mehnat shartnomasi 2029 yilgacha mo'ljallangan. Transfermarkt mutaxassislari futbolchining qiymatini 40 million evroga baholamoqdalar.