Mbappe: «Men nima qilishni oldindan bilardim»

 30 MART, 2026, 07:48

Frantsiya terma jamoasi hujumchisi Kilian Mbappe Braziliya terma jamoasi darvozaboni Edersonga urgan golini yodga oldi.

Madridning «Real» klubi futbolchisi yaqinda bo'lib o'tgan o'rtoqlik uchrashuvida braziliyalik posbon bilan yakkama-yakka vaziyatga chiqib, to'pni uning ustidan tashlab qo'ygan edi. Ushbu bahs «uch ranglilar»ning 2:1 hisobidagi g'alabasi bilan yakunlandi.

«Men Ederson bunday vaziyatlarda tez-tez yiqilishini bilardim va avval ham «Real» safidagi o'yinda to'pni uning ustidan tashlab qo'yganman. O'sha hujum vaqtida nima qilishimni oldindan bilardim», — deya The Touchline Mbappening so'zlarini keltiradi.

Yakshanba kuni frantsuzlar ikkinchi o'rtoqlik uchrashuvini o'tkazishdi — bu safar Kolumbiya terma jamoasi mag'lub etildi (3:1). Kilian Mbappe esa ushbu bahsda maydonga 78-daqiqada tushdi.