Kilian Mbappe JCh tarixidagi eng yaxshi to'purar bo'lish imkoniyati haqida fikr bildirdi

 30 MART, 2026, 07:36

Frantsiya terma jamoasi va «Real Madrid» hujumchisi Kilian Mbappe kelasi yozda jahon chempionatlari tarixidagi eng yaxshi to'purarga aylanishi mumkinligi haqida fikr bildirdi.

Ayni paytda 27 yoshli forvard jahon chempionatlarida 12 ta gol urgan. Rekord esa Germaniya terma jamoasining sobiq hujumchisi Miroslav Klozega tegishli bo'lib, u 16 ta gol muallifi hisoblanadi.

«Menga tarixdagi eng yaxshi to'purar bo'lish uchun atigi to'rtta gol kerakmi? Bu haqda o'ylashning o'zi ham juda ajoyib.

Men uchun jahon chempionati — eng katta musobaqa, barcha davrlarning eng buyuk futbolchilari bellashadigan maydon. Menga shunday turnirda eng yaxshi to'purarga aylanishim mumkinligini aytishsa, bunga ishonish qiyin.

Men faqat real narsalar haqida o'ylayman: jamoamga g'alaba qozonishga yordam berish va yana finalga chiqish», — dedi Kilian Mbappe.