Qirg'iziston terma jamoasi o'rtoqlik uchrashuvida Madagaskarga yirik hisobda mag'lub bo'ldi (videosharh)

 28 MART, 2026, 23:00

Qirg'iziston va Madagaskar terma jamoalari o'rtasida o'rtoqlik bahsi bo'lib o'tdi. Turkiyaning Belek shahridagi «Kalista sport markaziy» stadionida o'tgan uchrashuv afrikaliklarning 5:2 hisobidagi g'alabasi bilan yakunlandi.

Uchrashuvda hisobni 5-daqiqada Madagaskar hujumchisi Arno Randianantenaina ochdi. 17-daqiqada afrikaliklar ustunlikni oshirdi, 24-daqiqada esa Uorren Kaddi hisobni yirik ko'rinishga olib keldi. 42-daqiqada Kleman Kutyure to'rtinchi golni kiritdi.

Ikkinchi bo'limda Qirg'iziston terma jamoasi javob qaytarishga urindi. 58-daqiqada Beknaz Almazbekov penaltini aniq amalga oshirib, hisobni qisqartirdi. 62-daqiqada yana bir gol kiritildi. Biroq 79-daqiqada Uorren Kaddi dubl rasmiylashtirib, o'yinga nuqta qo'ydi — 5:2.

O'rtoqlik uchrashuvi
28 mart 2026 yil, shanba.
Qirg'iziston — Madagaskar - 2:5
Gollar: 0:1 — Randianantenaina (5), 0:2 (17), 0:3 — Kaddi (24), 0:4 — Kutyure (42), 1:4 — Almazbekov (58), 2:4 (62), 2:5 — Kaddi (79)

Manba: stadion.uz