Tuxel nima uchun Fodendan ko'proq tavakkalchilik kutganini tushuntirdi

 28 MART, 2026, 17:18

Angliya terma jamoasi bosh murabbiyi Tomas Tuxel Urugvay bilan kechgan o'rtoqlik uchrashuvi (1:1) yakunlarini sarhisob qilar ekan, yarim himoyachi Fil Fodenning ishtirokiga to'xtalib o'tdi. Foden asosiy tarkibda maydonga tushib, 56 daqiqa harakat qildi.

«Biz raqibning yarim himoya uchligi tez-tez pozitsiyasini o'zgartirishini, erkin harakat qilishini va sizni o'z joyingizdan chiqarib yuborishga harakat qilishini bilardik. Bizga juda ishonchli va aqlli taktik o'yin kerak edi», — deya murabbiyning so'zlarini keltirmoqda The Times.

«Aynan shu vaziyatda Fil o'yinga qo'shildi. U mashg'ulotlarda himoyalanish sxemalarini ishlab chiqishda ajoyib ishtirok etdi, qolaversa, «Manchester Siti»da ko'p bor "sakkizlik" pozitsiyasida o'ynagan. Ba'zi vaziyatlarda menga u biroz jasoratliroq harakat qilishi, "o'nlik" sifatida tavakkal qilib, nimadir yaratishga urinishi mumkin bo'lib tuyuldi».

Seshanba kuni, 31 martda Angliya terma jamoasi Jahon chempionatiga tayyorgarlik doirasida Yaponiya bilan o'rtoqlik uchrashuvi o'tkazadi.