Rodri APLning ayni paytdagi eng yaxshi futbolchisi kim ekanini aytdi

 28 MART, 2026, 07:42

«Manchester Siti» yarim himoyachisi Rodri Angliya Premer-ligasining ayni paytdagi eng yaxshi futbolchisi kim ekanini aytdi.

«Men uchun hozir bu — Brunu Fernandesh. Raqamlar bor, o'yinga ta'siri bor. U jamoasi uchun hamma ishni qiladi. Odamlar doim sovrinlarga qaraydi, lekin o'yinlarni kuzatsangiz, uning qanchalik muhim ekanini tushunasiz. Gollar, uzatmalar, etakchilik… u hamma joyda», — deya Rodrining so'zlarini «shaharliklar» matbuot xizmati keltiradi.

«Manchester Yunayted» yarim himoyachisi Brunu Fernandesh joriy mavsumda barcha musobaqalarda 30 ta o'yinda ishtirok etib, 8 ta gol va 17 ta golli uzatma qayd etgan. Transfermarkt ma'lumotiga ko'ra, futbolchining bozor qiymati 40 million evroni tashkil qiladi.