«Milan» 18 yoshli iqtidor uchun APL klublari bilan raqobatlashadi

 27 MART, 2026, 23:00

«Milan» Belgiyaning «Genk» klubi hujumkor yarim himoyachisi Konstantinos Karetsasga qiziqish bildirmoqda. Bu haqda Tuttosport nashri xabar bermoqda.

Manbaga ko'ra, «rossoneri» rahbariyati 18 yoshli xavbekda tarkibni yoshartirish va kuchaytirishga qodir bo'lgan istiqbolli futbolchini ko'rmoqda.

Shu bilan birga, «Milan» uchun Karetsasni sotib olish oson bo'lmasligi qayd etilgan. «Genk» o'z etakchisini 35 million evrodan kamiga qo'yib yubormoqchi emas. Vaziyatni gretsiyalik iqtidorga «Chelsi», «Arsenal» va «Manchester Yunayted» kabi grandlar tomonidan bo'layotgan e'tibor yanada murakkablashtirmoqda.

Joriy mavsumda Karetsas barcha musobaqalarda 43 ta o'yinda maydonga tushib, 3 ta gol urdi va 18 ta golli uzatmani amalga oshirdi.