Xaverts Germaniyaning bugungi o'yinini asosiy tarkibda boshlaydi

 27 MART, 2026, 16:48

Germaniya terma jamoasi bosh murabbiyi Yulian Nagelsmann «Arsenal» hujumchisi Kay Xavertsning Shveytsariyaga qarshi bo'lajak o'rtoqlik uchrashuvida asosiy tarkibda maydonga tushishini ma'lum qildi.

«Kay Xaverts uchrashuvni asosiy tarkibda boshlaydi. U ancha vaqt safdan chiqib qolgan edi, shu sababli biz unga o'yin amaliyoti bermoqchimiz. Unga o'yin ritmiga qaytib olish juda muhim», — deya Nagelsmannning so'zlarini keltiradi Bayern & Germany.

Joriy mavsumda 26 yoshli Xaverts barcha musobaqalarda jami 14 ta o'yinda ishtirok etdi. Uning hisobida 3 ta gol va 2 ta golli uzatma mavjud.

Shveytsariya va Germaniya terma jamoalari o'rtasidagi o'rtoqlik uchrashuvi bugun, 27 mart kuni bo'lib o'tadi. O'yin Toshkent vaqti bilan soat 00:45 da (28 martga o'tar kechasi) boshlanishi rejalashtirilgan.