Dani Olmo: «Biz Lamin Yamal bilan faxrlanamiz»

 27 MART, 2026, 13:30

«Barselona» yarim himoyachisi Dani Olmo jamoadoshi Lamin Yamal haqida o'z fikrlari bilan o'rtoqlashdi.

«Laminni tashqaridan kuzatayotganlarning barchasi uning qanchalik o'sganini va o'yin uslubi o'zgarganini ta'kidlashmoqda. Biz u bilan faxrlanamiz va uning yuqori darajasidan, urgan gollari hamda jamoamizga g'alaba qozonishda yordam berayotganidan doimo xursandmiz», — deya Olmoning so'zlarini keltiradi BarçaTimes.

Joriy mavsumda 18 yoshli Yamal barcha musobaqalarni inobatga olgan holda 40 ta uchrashuvda maydonga tushib, 21 ta gol urdi va 16 ta golli uzatmani amalga oshirdi.