FIFA Series turnirida faoliyat olib boruvchi hakamlar bilan uchrashuv o'tkazildi

 26 MART, 2026, 21:36

Bugun O'zbekiston futbol assotsiatsiyasida O'FA birinchi vitse-prezidenti Ravshan Irmatov hamda tajribali instruktorlar Baxodir Qo'chqorov va Jahongir Saidovlar ishtirokida O'zbekiston, Qirg'iziston va Tojikistondan kelgan FIFA hakamlari bilan uchrashuv bo'lib o'tdi. Unda mutasaddilar hakamlarga bo'lajak musobaqadagi mas'uliyatli faoliyatlarida omad tilashdi.

Tadbir doirasida instruktorlar tomonidan seminar tashkil etilib, o'yindagi turli bahsli vaziyatlar, qaror qabul qilish jarayonlari va zamonaviy hakamlik talablari yuzasidan tushunchalar berildi.