Karrager "Chelsi"ning yangi loyihasi haqida keskin fikr bildirdi

 26 MART, 2026, 17:24

«Liverpul» klubining sobiq himoyachisi Jeymi Karrager so'nggi yillarda «Chelsi»da yuzaga kelgan vaziyat borasida o'z fikrlari bilan o'rtoqlashdi.

«Ilgari «Chelsi»da murabbiylar shafqatsiz edilar va Chempionlar ligasida g'olib chiqishga intilardilar. Muxlislar esa «Tottenxem» yoki «Arsenal»da bo'lgani kabi uzoq muddatli loyihalarni emas, balki hozirning o'zida g'alabalarni talab qilishadi. Hatto «Chelsi» Chempionlar ligasiga chiqa olmagan taqdirda ham, ular Evropa ligasi, Angliya kubogi yoki Liga kubogi kabi boshqa sovrinlarni yutib olishardi. Hozir esa hamma narsa «qurilish»ga borib taqalmoqda. Ammo «Chelsi» muxlislari tezkor muvaffaqiyat kutishmoqda!», — deya Karragerning so'zlarini keltiradi MatchDay Central.

Ayni damda «Chelsi» Angliya chempionati turnir jadvalida 31 turdan so'ng 48 ochko jamg'argan holda oltinchi o'rinni egallab turibdi.