«Inter»ning Bastonini qo'yib yuborish sharti ma'lum bo'ldi

 26 MART, 2026, 12:30

«Barselona» uchun «Inter» markaziy himoyachisi Alessandro Bastoni transferini amalga oshirish oson bo'lmaydi.

Jurnalist Fabritsio Byazinning xabar berishicha, «neradzurrilar» o'z asosiy o'yinchisini yo'qotishni istamayapti, shu sababli uni sotish imkoniyatini faqat futbolchining o'zi klubdan ketishni so'ragan taqdirdagina ko'rib chiqadi. Bundan tashqari, «Barselona» milanliklarni ko'ndirish uchun «saxiy» taklif tayyorlashiga to'g'ri keladi.

Transfermarkt saytida Alessandro Bastonining taxminiy bahosi 70 million evroni tashkil etadi. 26 yoshli futbolchining A Seriya grandi bilan amaldagi mehnat shartnomasi 2028 yilgacha mo'ljallangan, biroq yaqin orada u yana uzaytirilishi mumkin.