O'zbekiston milliy terma jamoasi Gabonga qarshi oq libosda o'ynaydi

 26 MART, 2026, 12:18

Ertaga yurtimiz mezbonlik qilayotgan FIFA Series doirasidagi uchrashuvlarga start beriladi. Bugun o'yinlar oldidan jamoalar rasmiylari ishtirokida yig'ilish bo'lib o'tdi.

Unda FIFA va mahalliy tashkiliy qo'mita tomonidan ishtirokchilarga o'yinga oid bir qator masalalar, xususan, reglament, media, marketing, tibbiyot va xavfsizlik yo'nalishlari yuzasidan tushuntirish va eslatmalar berib o'tildi.

Futbolchilarimiz ertangi Gabonga qarshi uchrashuvda to'liq oq, darvozabonimiz esa qora libosda harakat qilishi ma'lum bo'ldi.