"Barselona"ning Sheshko transferi bo'yicha pozitsiyasi ma'lum bo'ldi

 26 MART, 2026, 09:06

Bir muddat avval «Barselona» klubi «Manchester Yunayted» hujumchisi Benyamin Sheshkoni sotib olishga qiziqish bildirgan edi.

Mundo Deportivo nashrining xabariga ko'ra, hozirda Kataloniya klubi sloveniyalik forvardning transferini amalga oshirish bo'yicha harakat qilishni rejalashtirmayapti. «Ko'k-anorranglilar» futbolchiga bo'lgan avvalgi qiziqishlarini qayta tiklash niyatida emaslar.

Benyamin Sheshko 2025 yilda «RB Leyptsig»dan 76 million evro evaziga «Manchester Yunayted»ga o'tgan edi. Uning «qizil iblislar» bilan shartnomasi 2030 yilning 30 iyuniga qadar mo'ljallangan. Joriy mavsumda hujumchi Manchester klubi safida barcha turnirlarda 28 ta o'yinda maydonga tushib, 10 ta gol urdi va bitta golli uzatmani amalga oshirdi.