Vinisius Braziliya — Frantsiya bahsidan nimalar kutayotganini aytdi

 25 MART, 2026, 23:06

Braziliya va Frantsiya terma jamoalari payshanba kuni AQShda o'zaro o'rtoqlik uchrashuvi o'tkazishadi. Ushbu o'yin haqida «selesao» hujumchisi Vinisius Junior o'z fikrlarini bildirdi.

«Bu o'yin biz uchun juda muhim. Frantsiya — ajoyib jamoa. U erda mening «Real»dagi jamoadoshlarim bor — ular ham kuchli o'yinchilar. O'yin juda ochiq ruhda o'tadi, chunki hech kim shunchaki himoyalanishni istamaydi. Bu biz uchun yaxshi sinov bo'ladi. Muxlislarimizning qo'llab-quvvatlashiga kelsak, bu biz uchun doim muhim. Biz birlashganimizda, buyuk yutuqlarga erisha olamiz», — dedi Vinisius matbuot anjumanida.

Braziliya va Frantsiya terma jamoalari o'rtasidagi uchrashuv 27 mart kuni Toshkent vaqti bilan tungi soat 01:00 da boshlanadi.