«Real» futbolchilari har bir g'alabadan keyin nonushtani murabbiydan qabul qilib olishadi

 25 MART, 2026, 17:18

«Real Madrid» bosh murabbiyi Alvaro Arbeloa g'alabali o'yinlarning ertasiga kiyinish xonasiga nonushta bilan keladi va uni barcha futbolchilarga tarqatadi. Bu haqda jurnalist Edu Agirre ma'lum qildi.

«Alvaro o'yinchilarga: «Yigitlar, nonushta vaqti», deydi. U aylanib yurib, hammaga kruassanlar, ponchiklar tarqatadi...» — dedi Agirre.

Sobiq futbolchi va sharhlovchi Xavi Balboaning ta'kidlashicha, Arbeloa bunday usulni «Kastilya»dagi faoliyati davomida ham qo'llagan — bu muhim o'yinlardagi g'alaba yoki yaxshi natijalar seriyasi uchun o'yinchilarni rag'batlantirishning bir yo'li hisoblanadi.

Madridliklar Xabi Alonso iste'foga chiqqanidan so'ng, Arbeloa qo'l ostida 17 ta o'yindan 13 tasida g'alaba qozonishdi.