Alan Shirer «Liverpul»ning EChLdagi imkoniyatlari haqida: «Ular istalgan raqibni hayron qoldirishi mumkin»

 25 MART, 2026, 17:12

Angliya terma jamoasining sobiq futbolchisi Alan Shirer «Liverpul»ning joriy mavsumdagi Chempionlar Ligasidagi ishtiroki haqida o'z fikrlari bilan o'rtoqlashdi.

«Agar «Liverpul» keyingi bosqichga o'ta olmasa, jamoaning beqarorligi haqidagi savollar yana kun tartibiga chiqadi. Ammo ular turnirda ishtirok etishda davom etar ekan, o'zlarining kimligi va nimalarga qodir ekanliklari bilan katta kuch bo'lib qolaveradilar. Ular istalgan raqibga qarshi bitta alohida o'yinda porlashlari mumkin», — dedi Shirer.

Eslatib o'tamiz, Chempionlar Ligasining 1/8 finalida mersisaydliklar Turkiyaning «Galatasaroy» jamoasidan ustun kelishgan edi (ikki o'yin natijasiga ko'ra 4:1). Chorak finalda Arne Slot shogirdlari «PSJ» bilan to'qnash kelishadi.

Angliya Premer-ligasi turnir jadvalida «qizillar» 49 ochko bilan beshinchi o'rinda bormoqdalar.