«Manchester Yunayted» Turkiyadan yarim himoyachi topdi

 25 MART, 2026, 08:42

«Galatasaroy» yarim himoyachisi Gabriel Sara Angliya Premer-ligasiga ko'chib o'tishi mumkin.

Reportyor Erol Evsenning ma'lumotlariga ko'ra, 26 yoshli futbolchini sotib olishga «Manchester Yunayted» qiziqish bildirmoqda. Turkiya klubi «qizil iblislar»ning braziliyalik futbolchiga bo'lgan qiziqishidan allaqachon xabardor, shu sababli "MYu" shu yozda rasmiy taklif bilan chiqishini kutmoqda.

Gabriel Sara 2024 yilda «Norvich»dan «Galatasaroy»ga 18 million evro evaziga o'tgan edi. Uning shartnomasi 2029 yilning 30 iyuniga qadar mo'ljallangan. Joriy mavsumda braziliyalik futbolchi turk klubi safida 39 ta o'yinda maydonga tushib, 6 ta gol urdi va 3 ta golli uzatmani amalga oshirdi.