Klopp kelajakdagi rejalari haqida to'xtaldi

 24 MART, 2026, 13:30

«Red Bull» kompaniyasining futbol yo'nalishi rahbari Yurgen Klopp yaqin orada murabbiy bo'lib ishlash niyati yo'qligini ma'lum qildi.

«Liverpul», Dortmundning «Borussiya» va «Maynts» klublari sobiq murabbiyidan kelajakda o'zini Germaniya terma jamoasi bosh murabbiyi lavozimida ko'rish-ko'rmasligi haqida so'rashdi.

«Hozir bu haqda umuman o'ylamayapman. Kelasi bir necha yil ichida nimalar sodir bo'lishini kim biladi deysiz. Ammo bu borada menda hech qanday reja yo'q», — dedi Klopp.