Ronaldo: «Neymar Jahon chempionatida Braziliyaga kerak bo'ladi»

 24 MART, 2026, 08:54

Afsonaviy futbolchi Ronaldo Neymarning Braziliya terma jamoasidagi istiqbollari haqida o'z fikrini bildirdi.

«Santos» hujumchisi Frantsiya va Xorvatiyaga qarshi bo'lib o'tadigan navbatdagi o'rtoqlik uchrashuvlari uchun qaydnomaga kiritilmadi. Biroq, Ronaldoning so'zlariga ko'ra, 34 yoshli Neymar Jahon chempionatida braziliyaliklarga asqatishi mumkin.

«U foydali o'yinchi bo'la oladi. Ehtimol, u barcha uchrashuvlarni to'liq o'tkazmas, lekin texnik jihatdan u juda muhim va qaerda o'ynamasin, o'z mahoratini isbotlab kelgan», — deya Ronaldoning so'zlarini keltiradi CNN Brasil.

Joriy mavsumda Neymar «Santos» safida beshta o'yinda ishtirok etib, uchta gol va ikkita golli uzatmani amalga oshirdi.