Islam Maxachevning navbatdagi raqibi kim bo'lishi aytildi

 24 MART, 2026, 08:00

Yarim o'rta vazn toifasida amaldagi UFC chempioni Islam Maxachevning qachon oktagonga qaytishi ko'pchilikni qiziqtirmoqda.

UFC’ning yulduzli sharhlovchisi Jo Roganning fikricha, rossiyalik aralash yakkakurash ustasining navbatdagi raqibi sobiq chempion nigeriyalik Kamaru Usman bo'lishi kerak.

"Menimcha, Ian Garri chempionlik uchun jangga loyiq, ammo ayni paytda Kamaruni ham o'ylayapman... Ishonavering, yigit afsona. Bu, ehtimol, uning so'nggi yili. U Xoakin Bakliga qarshi jangda o'ziga o'xshamagandi, garchi g'alaba qozongan bo'lsa-da. Men bu jangni ko'rishni istayman", - dedi Rogan o'zining YouTube-kanalida.

Eslatib o'tamiz, o'tgan yilning iyun oyida bo'lib o'tgan UFC on ESPN 69 turniridagi so'nggi jangida Usman amerikalik Xoakin Baklini hakamlarning yakdil qarori bilan mag'lub etgandi.

Manba: olamsport.com