Mario Gyottse «Ayntraxt» bilan yangi shartnoma imzolaydi

 23 MART, 2026, 23:12

Yarim himoyachi Mario Gyottse yaqin vaqt ichida Frankfurtning «Ayntraxt» klubi bilan shartnomasini uzaytiradi. Bu haqda jurnalist Florian Plettenberg o'zining X ijtimoiy tarmog'idagi sahifasida ma'lum qildi.

Manba bergan ma'lumotlarga ko'ra, futbolchi klub bilan muddati 2027 yilning yozigacha mo'ljallangan mehnat shartnomasini kelishib olgan. Tomonlar allaqachon barcha masalalar bo'yicha og'zaki kelishuvga erishishgan, yaqin kunlarda esa shartnoma imzolangani haqida rasman e'lon qilinadi.

Joriy mavsumda Mario Gyottse klub safida barcha musobaqalarda 26 ta o'yinda maydonga tushib, 2 ta golli uzatmani amalga oshirdi. Futbolchining jamoa bilan amaldagi shartnomasi 2026 yilning iyun oyiga qadar mo'ljallangan edi.