Grizmanning Amerikadagi maoshi ma'lum

 23 MART, 2026, 18:30

Hujumchi Antuan Grizmann «Orlando Siti»da yiliga taxminan 10 million evro maosh oladi. Bu haqda jurnalist Fabris Xokins xabar bermoqda.

Xokins ushbu summa soliqlar hisoblangunga qadarmi yoki undan keyingi toza daromadmi — bunga aniqlik kiritmagan. Capology ma'lumotlariga ko'ra, hozirda Grizmann La Ligada soliqlar bilan birga yiliga 9,38 mln evro (soliqlardan tashqari — 4,5 mln evro) maosh olmoqda.

Avvalroq 35 yoshli frantsuz MLS klubi bilan ikki yillik shartnoma imzolashi ma'lum bo'lgan edi. U «Orlando Siti» safiga joriy mavsum yakunlanganidan so'ng borib qo'shiladi.

Ushbu mavsumda Grizmann La Liganing 26 ta o'yinida 6 ta gol urdi va 1 ta golli uzatmani amalga oshirdi.