Maguayr "Manchester Yunayted"da qolmoqchi: U APLning to'rtta klubiga "yo'q" dedi

 23 MART, 2026, 16:36

«Manchester Yunayted» markaziy himoyachisi Xarri Maguayr hech qaerga ketish niyatida emas.

33 yoshli futbolchining «qizil iblislar» bilan shartnomasi mavsum yakunida nihoyasiga etadi va bir qator klublar ingliz futbolchisini erkin agent sifatida o'z safiga qo'shib olish istagini bildirishgan. Transfer News Live nashrining TEAMtalk ga tayanib xabar berishicha, Maguayr «Tottenxem», «Everton», «Sanderlend» va «Vest Xem» klublari bilan muzokaralar o'tkazishni rad etgan. Futbolchi «Manchester Yunayted» bilan amaldagi shartnomasini uzaytirishga juda yaqin turibdi.

Xarri Maguayr 2019 yildan beri mankunianliklar sharafini himoya qilib kelmoqda. Joriy mavsumda sobiq sardor 20 ta o'yinda maydonga tushib, ikkita gol urdi va bitta golli uzatmani amalga oshirdi.