Bundesligada navbatdagi iste'fo yuz berdi

 23 MART, 2026, 11:54

Germaniyaning «Kyoln» futbol klubi jamoa bosh murabbiyi Lukas Kvasnyok iste'foga chiqarilganini e'lon qildi. Mutaxassis bilan birga uning yordamchisi Frank Kaspari ham «echkilar» qarorgohini tark etdi.

Jamoa Germaniya chempionatining joriy mavsumida qoniqarsiz natijalar qayd etmoqda. «Kyoln» ketma-ket ettita o'yindan beri g'alaba qozona olmayapti.

Bundesliganing 27 turidan so'ng, «echkilar» 26 ochko jamg'arib, turnir jadvalida 15-o'rinni egallab turibdi. Germaniya chempionatidagi navbatdagi uchrashuvni «Kyoln» 5 aprel kuni safarda Frankfurtning «Ayntraxt» jamoasiga qarshi o'tkazadi.