"Liverpul" Van Deyk o'rniga Bastonini olib kela olmaydigan ko'rinadi

 22 MART, 2026, 17:06

«Liverpul» klubi «Inter» himoyachisi Alessandro Bastonini o'z safiga qo'shib olishga bo'lgan ishonchini yo'qotmoqda. Bu haqda TEAMtalk nashri xabar bermoqda.

«Qizillar» italiyalik futbolchini shu yozda 35 yoshni qarshilaydigan Virdjil van Deykka potentsial o'rinbosar sifatida ko'rayotgan edi. Biroq ayni damda «Inter» Bastoni bilan shartnomani uzaytirish ustida ishlamoqda. Milanliklar futbolchiga «mega-moliyaviy» taklif tayyorlamoqda. Shuningdek, himoyachining xizmatlariga «Barselona» va «Chelsi» klublari ham qiziqish bildirmoqda.

Joriy mavsumda Alessandro Bastoni «Inter» safida 35 ta uchrashuvda maydonga tushdi. Ularda himoyachi ikkita gol urdi va oltita golli uzatmani amalga oshirdi.