Kecha jarohat olgan Ekitike Frantsiya yig'iniga yo'l oladi

 22 MART, 2026, 16:30

Yugo Ekitikening jarohati unchalik jiddiy emasligi ma'lum bo'ldi.

«Liverpul» hujumchisi APLning 31-turi doirasidagi «Brayton»ga qarshi o'yinning (1:2) 8-daqiqasidayoq almashtirilgan edi — u Jeyms Milner bilan to'qnashuvdan so'ng jarohat olgandi.

L’Equipe nashrining xabar berishicha, ushbu jarohat futbolchining Frantsiya terma jamoasining yaqin kunlardagi yig'iniga qo'shilishiga xalaqit bermaydi. Dide Desham shogirdlari 26 mart kuni Braziliya terma jamoasiga qarshi o'rtoqlik uchrashuvida maydonga tushsa, 29 mart kuni Kolumbiya bilan kuch sinashadi.