Alisson muxlislariga murojaat yo'lladi

 21 MART, 2026, 18:30

«Liverpul» va Braziliya terma jamoasi darvozaboni Alisson jarohat tufayli lazaretga yo'l oldi. Shundan so'ng futbolchi ijtimoiy tarmoqlardagi sahifasi orqali bayonot berdi.

«Afsuski, ma'lum muddatga safdan chiqdim. Yanada kuchliroq bo'lib qaytish uchun allaqachon astoydil mehnat qilishni boshladim! Qo'llab-quvvatlaganingiz uchun rahmat!» — deb yozdi Alisson.

Avvalroq Alissonning tiklanishi uchun taxminan bir oy vaqt kerak bo'lishi haqida ma'lumotlar paydo bo'lgan edi.