Ueyn Runi JARdagi JCh-2010ni eng yomon turnir deb atadi: "Atrofda birorta muxlis yo'q edi"

 21 MART, 2026, 15:24

«Manchester Yunayted» va Angliya terma jamoasining sobiq hujumchisi Ueyn Runi 2010 yilgi Janubiy Afrika Respublikasida (JAR) o'tgan turnirni faoliyatidagi eng yomon jahon chempionati deb atadi.

«JARdagidan yomonrog'i boshqa bo'lmaydi. Ushbu turnir hech qachon jahon chempionatidek tuyulmagan. Biz ilk o'yinimiz — AQShga qarshi bahsga ketayotgan edik. Atrof zimiston, birorta ham muxlis yo'q. Odatda jahon chempionati vaqtida fanatlar hamma joyda bo'lishadi, atmosfera sezilib turadi. U erda esa go'yo hamma qirilib ketgandek, hech kim yo'q edi. Bu umuman jahon chempionatiga o'xshamasdi», — deya Runining so'zlarini keltiradi ESPN.