Iraola La Liga klubini qabul qilib olishi mumkin

 21 MART, 2026, 12:30

«Bornmut» bosh murabbiyi Andoni Iraola o'z vataniga qaytishi mumkin. Jurnalist Ben Jeykobsning xabar berishicha, 43 yoshli mutaxassis mavsum yakunida Ernesto Valverde bo'shatadigan «Atletik» Bilbao boshqaruvi uchun asosiy nomzodlardan biri hisoblanadi. Iraolaning «olchalar» bilan amaldagi shartnomasi kelayotgan yozda nihoyasiga etadi.

Kutilishicha, Andoni Iraola o'z kelajagi borasidagi qarorini «Bornmut» rahbariyatiga terma jamoalar tanaffusi yakunlanguniga qadar ma'lum qiladi. «Atletik»dagi lavozim ispaniyalik murabbiyni o'ziga jalb etmoqda — u futbolchilik faoliyatining katta qismini aynan ushbu Bask klubida o'tkazgan.