Runi zamonaviy futboldagi simulyatsiyalarni keskin qoraladi

 20 MART, 2026, 19:06

«Manchester Yunayted» va Angliya terma jamoasi sobiq futbolchisi Ueyn Runi zamonaviy futboldagi simulyatsiyalardan g'azabda ekanligini bildirdi.

«Nima uchun har bir futbolchi maydonga yiqilaveradi? Bu firibgarlikmi? Biz o'ynagan vaqtlarda men jamoadoshlarimga: «Tur o'rningdan!» deb baqirardim. Chunki siz erda yotishni emas, futbol o'ynashni davom ettirishni xohlashingiz kerak», — dedi Runi The Overlap ko'rsatuvida.

Ueyn Runi faoliyati davomida «Everton», «Manchester Yunayted», «Di Si Yunayted» va «Derbi Kaunti» klublarida to'p surgan.