Vikario «Inter»ga o'tishga yaqin: Transfer summasi ma'lum

 20 MART, 2026, 09:30

«Tottenxem» darvozaboni Gulelmo Vikario katta ehtimol bilan joriy mavsum yakunlanganidan keyin klubini o'zgartiradi.

Jurnalist Mett Barlouning xabar berishicha, «shporlar» Milanning «Inter» klubi bilan transfer shartlari bo'yicha kelishishga yaqin turibdi. Kelishuv summasi taxminan 17 million funt sterlingni (qariyb 20 million evro) tashkil etadi. Bu London klubi 2023 yilda italiyalik posbonni «Empoli»dan sotib olgan summaga yaqindir.

Yaqinda Gulelmo Vikarioning agenti «Inter» sport direktori Pero Auzilio bilan uchrashdi. Avvalroq 29 yoshli darvozabonning o'z vataniga qaytish istagi borligi haqida xabarlar tarqalgan edi. Shuningdek, o'yinchiga «Yuventus» tomonidan ham qiziqish borligi aytib o'tilgandi.