Modrich Italiyadagi hayotidan mamnun

 20 MART, 2026, 08:42

Xorvatiyalik yarim himoyachi Luka Modrich o'tgan yilning yozidan beri Italiyaning «Milan» klubida to'p surmoqda va hozircha ushbu klubda o'zini juda baxtli his qilmoqda. Lukaning so'zlariga ko'ra, u faoliyatining ilk kunlaridanoq o'zini hurmat qilinadigan va sevimli o'yinchi sifatida sezgan.

«Birinchi kundanoq «Milan»ni tanlaganim uchun muxlislarning mehri va e'tirofini his qilyapman. Ular men uchun qilgan barcha ishlariga loyiq darajada minnatdorchilik bildira olishim amrimahol», — deya Modrichning so'zlaridan iqtibos keltirmoqda pianetamilan.it nashri.

Hozirda «Milan» Italiya A Seriyasi turnir jadvalida ikkinchi o'rinni egallab turibdi. Keyingi turda klub «Torino»ga qarshi maydonga tushadi.