"Jirona" ustozi "Siti"ni boshqarishga tayyor

 19 MART, 2026, 17:00

«Jirona» bosh murabbiyi Michel Sanches faoliyatida navbatdagi katta qadamni tashlashga tayyor ekanligini ma'lum qildi.

50 yoshli mutaxassis «Manchester Siti»ni boshqarishga qodirmisiz, degan savolga javob berdi. Eslatib o'tamiz, Ispaniya va Angliya klublarining ikkalasi ham City Football Group xoldingiga tegishli hisoblanadi.

«Men tayyorman, o'zimni istalgan jamoani boshqarishga qodir deb hisoblayman.

Ular [«Siti» rahbariyati] ham shunday fikrda yoki yo'qmi, bilmayman. Albatta, bu ikki jamoa bir xil emas, lekin menda moslashish qobiliyati bor va o'zimni sinab ko'rishni istayman», — dedi Sanches Feeberse nashriga bergan intervyusida.

Hozirda Manchester jamoasini Pep Gvardiola boshqarmoqda.